കർണാടകയില്‍ ഉത്തര കന്നഡ ജില്ലയില്‍ 60 വയസ്സുള്ള ഭിന്നശേഷിക്കാരിയായ ദളിത് സ്ത്രീയെ 23 കാരൻ ലൈംഗികമായി പീഡിപ്പിച്ചു.സംഭവത്തില്‍ പ്രതിയായ ഫൈറോസ് യാസിൻ യറഗട്ടി എന്നയാള്‍ പോലീസില്‍ നിന്ന് രക്ഷപ്പെടാൻ ശ്രമിക്കുന്നതിനിടെ ഉദ്യോഗസ്ഥരെ ആക്രമിച്ചുവെന്നാരോപിച്ച്‌ ഏറ്റുമുട്ടലിനിടെ പൊലീസ് ഇയാളുടെ കാലില്‍ വെടിവച്ചു കാലില്‍ വെടിവച്ചു.കഴിഞ്ഞ ജൂണ്‍ 12 ന് ദണ്ഡേലി സ്വദേശിനിയായ സ്ത്രീ ഒരു ബന്ധുവിന്റെ വീട്ടിലേക്ക് നടന്നു പോകവെയാണ് സംഭവം നടക്കുന്നത്. പ്രതി ഈ സ്ത്രീയെ തട്ടിക്കൊണ്ടുപോകുകയും ലൈംഗീകമായി ആക്രമിക്കുകയും ചെയ്യുകയായിരുന്നു.
സംഭവത്തെ തുടർന്ന് ദണ്ഡേലി ടൗണ്‍ പോലീസ് സ്റ്റേഷനില്‍ പരാതിപ്പെടുകയും ചെയ്തു. അന്വേഷണത്തിന്റെ ഭാഗമായി പോലീസ് നൂറോളം പ്രതികളുടെ ഫോട്ടോകള്‍ അവർക്ക് കാണിച്ചുകൊടുക്കുകയും അതില്‍ നിന്ന് ക്രിമിനല്‍ പശ്ചാത്തലമുള്ള ഫൈറോസ് യാസിൻ യറഗട്ടിയെ തിരിച്ചറിയുകയുമായിരുന്നു.ദണ്ഡേലിയിലെ ബെയ്ല്‍പാറില്‍ താമസിക്കുന്ന ഫൈറോസ് യരഗട്ടി, നിയമവിരുദ്ധ മദ്യ വ്യാപാരം, കഞ്ചാവ് കടത്ത്, പോലീസ് ഉദ്യോഗസ്ഥരെ ദുരുപയോഗം ചെയ്യല്‍, ആക്രമണം എന്നിവയില്‍ രജിസ്റ്റർ ചെയ്തിട്ടുള്ള ക്രിമിനല്‍ പശ്ചാത്തലമുള്ള കുറ്റവാളിയാണ്.
ഡെപ്യൂട്ടി പോലീസ് സൂപ്രണ്ട് ശിവാനന്ദ് മദർഖണ്ഡിയുടെ നേതൃത്വത്തില്‍ രഹസ്യ വിവരത്തിന്റെ അടിസ്ഥാനത്തില്‍ ദണ്ഡേലി-യെല്ലാപൂർ ഹൈവേയില്‍ കുല്‍ഗായ് റോഡിന് സമീപം നടത്തിയ പരിശോധനയില്‍ പ്രതിയെ കണ്ടെത്തുകയായിരുന്നു. ഇയാളെ പിടികൂടാൻ ശ്രമിക്കുമ്ബോള്‍ അടുത്തുള്ള കാട്ടിലേക്ക് ഇയാള്‍ ഓടിപ്പോകുകയും കല്ലും കത്തിയും ഉപയോഗിച്ച്‌ ഉദ്യോഗസ്ഥരെ ആക്രമിക്കുകയും ചെയ്യുകയായിരുന്നു. ഓഫീസർമാരെ അക്രമിച്ചതിനെ തുടർന്ന് എസ്‌ഐ കിരണ്‍ യാരഗട്ടിയുടെ ഇടതു കാലില്‍ കാല്‍മുട്ടിന് താഴെ വെടിവയ്ക്കുകയായിരുന്നു. പരിക്കേറ്റ പോലീസ് ഉദ്യോഗസ്ഥരെയും പ്രതികളെയും ദണ്ടേലി സർക്കാർ ആശുപത്രിയില്‍ പ്രവേശിപ്പിച്ചു. നിലവില്‍ ഇവർ ആശുപത്രിയില്‍ ചികിത്സയിലാണ്.