പാൻമസാലയിൽ കുങ്കുമപൊടിയെന്ന തെറ്റിദ്ധരിപ്പിക്കുന്ന പരസ്യം; ഷാരൂഖ് ഖാൻ, അജയ് ദേവ്ഗൺ, ടൈഗർ ഷ്റോഫ് എന്നിവർക്ക് നോട്ടീസ്

പാൻ മസാലയുടെ തെറ്റിദ്ധരിപ്പിക്കുന്ന പരസ്യം നൽകിയെന്നാരോപിച്ച് ഷാരൂഖ് ഖാൻ ഉളപ്പടെയുള്ള ബോളിവുഡ് നടന്മാർക്ക് നോട്ടീസ്. ജയ്പൂരിലെ ഉപഭോക്തൃ തർക്ക പരിഹാര കമ്മീഷനാണ് ഷാരൂഖ് ഖാൻ, അജയ് ദേവ്ഗൺ, ടൈഗർ ഷ്രോഫ് എന്നിവരെ ചോദ്യം ചെയ്യാൻ വൈകിപ്പിച്ചത്. പാൻമസാലയിൽ കുങ്കുമപൊടിയുണ്ടെന്ന അവകാശവാദത്തിനെതിരെ ജയ്പൂർ സ്വദേശി നൽകിയ പരാതിയിലാണ് കോടതിയുടെ നടപടി.

വിമൽ പാൻ മസാല നിർമ്മിക്കുന്ന ജെബി ഇൻഡസ്ട്രീസ് ചെയർമാൻ വിമൽ കുമാർ അഗർവാളിനും സമാനമായ നോട്ടീസ് ലഭിച്ചിട്ടുണ്ട്. മാർച്ച് 19 ന് രാവിലെ 10 മണിക്ക് ഹാജരാകാനാണ് എല്ലാ കക്ഷികളോടും ആവശ്യപ്പെട്ടിട്ടുള്ളത്. നോട്ടീസ് ലഭിച്ച് 30 ദിവസത്തിനുള്ളിൽ എല്ലാ അഭിനേതാക്കളും പാൻ മസാല നിർമ്മാണ കമ്പനിയും മറുപടി നൽകണമെന്നും കമ്മീഷൻ നിർദ്ദേശിച്ചു. എന്നാൽ ഇതുവരെ ആരും വിഷയത്തിൽ പ്രതികരിച്ചിട്ടില്ല.

കിലോക്ക് 4 ലക്ഷം രൂപ വിലയുള്ള കുങ്കുമപ്പൊടി 5 രൂപയുടെ പാൻമസാലയിൽ ഉൾപ്പെടുത്താനാകില്ലെന്നാണ് പരാതിയിൽ ചൂണ്ടിക്കാണിക്കുന്നത്. പരസ്യം തെറ്റിദ്ധരിപ്പിക്കുന്നതാണ്. കുങ്കുമപ്പൂവ് ഉണ്ടെന്ന പരസ്യം ആളുകളെ സ്വാധീനിക്കുന്നുവെന്നും, എന്നാൽ പാൻ മസാല ഉപയോഗിക്കുന്നത് കാൻസർ അടക്കമുള്ള ഗുരുതര ആരോഗ്യപ്രശ്ങ്ങൾക്ക് കാരണമാകുമെന്നും പരാതിയിൽ ചൂണ്ടിക്കാട്ടുന്നു.

Related posts

ബെംഗളൂരു ഹെബ്ബാള്‍-സര്‍ജാപൂര്‍ റെഡ് ലൈൻ മെട്രോ അടുത്തെങ്ങും പ്രതീക്ഷിക്കേണ്ട: തിരിച്ചടിയാകുന്നത് ഇത്

വടക്കൻ ബെംഗളൂരു നിവാസികള്‍ക്ക് ഇനി യാത്ര എളുപ്പം; ജക്കൂര്‍ റെയില്‍വേ മേല്‍പ്പാലം നിര്‍മ്മാണം പൂര്‍ത്തിയാക്കി

വോട്ടര്‍പട്ടികയില്‍ നിന്ന് പേര് ഒഴിവാക്കാന്‍ ശ്രമിച്ചെന്ന പരാതി: പത്ത് ബി ജെ പി ബൂത്ത് ലെവല്‍ ഏജന്റുമാര്‍ക്കെതിരായ എഫ് ഐ ആര്‍ സ്റ്റേ ചെയ്ത് കര്‍ണാടക ഹൈക്കോടതി