മൈസുരുവില്‍ പൂജയ്ക്കായി ക്ഷേത്രക്കുളത്തില്‍ കൊണ്ടുപോയി; ഗര്‍ഭിണിയായ ഭാര്യയെ മുക്കിക്കൊന്നു; മക്കളെ കൊലപ്പെടുത്താന്‍ ശ്രമം

മൈസുരു: ഗര്‍ഭിണിയായ യുവതിയെ അമ്ബലക്കുളത്തില്‍ മുക്കിക്കൊന്ന് ഭര്‍ത്താവ്. അതിന് ശേഷം മക്കളെ മുക്കിക്കൊല്ലാന്‍ ശ്രമിക്കുകയും ചെയ്ത ഇയാളെ പൊലീസ് അറസ്റ്റ് ചെയ്തു.മൈസുരുവിലെ ശ്രീകണ്‌ഠേശ്വരസ്വാമി ക്ഷേത്രത്തിലെ കുളത്തിലാണ് ഭാര്യയെ മുക്കിക്കൊന്നത്.nസംഭവവുമായി ബന്ധപ്പെട്ട് നാല്‍പ്പതുവയസുകാരനായ രാജേഷിനെ പൊലീസ് അറസ്റ്റ് ചെയ്തു. രണ്ടുവയസുള്ള മൗല്യയെയും നാലുവയസുള്ള മലേശയെയും ഇയാള്‍ മുക്കിക്കൊല്ലാന്‍ ശ്രമിക്കുന്നത് മത്സ്യതൊഴിലാളികള ുടെ ശ്രദ്ധയില്‍പ്പെട്ടതോടെയാണ് കുട്ടികളെ രക്ഷിക്കാനായത്. മുപ്പത്തിയഞ്ചുകാരിയായ ദേവികയുടെ ജീവന്‍ രക്ഷിക്കാനായില്ല.

രാവിലെ ഏഴരയ്ക്ക് ക്ഷേത്രത്തില്‍ പൂജനടത്താനുണ്ടെന്ന വ്യാജേനയാണ് രാജേഷ് ഭാര്യയെയും മക്കളെയും ക്ഷേത്രക്കുളത്തിന് സമീപത്ത് എത്തിച്ചത്. ആദ്യം ഭാര്യയെ വെള്ളത്തില്‍ മുക്കിക്കൊല്ലുകയായിരുന്നെന്ന് പൊലീസ് പറഞ്ഞു. ദേവികയുടെ പിതാവിന്റെ പരാതിയിലാണ് രാജേഷിനെ അറസ്റ്റ് ചെയ്തത്. ദാമ്ബത്യപ്രശ്‌നങ്ങളാണ് കൊലയ്ക്ക് കാരണമായതെന്ന് പൊലീസ് പറഞ്ഞു.

Related posts

എയര്‍ ഇന്ത്യയുടെ മൂന്നാമത്തെ ആഗോള വ്യോമയാന ഹബ്ബായി ബെംഗളൂരു മാറുന്നു

‘എഐ, ഡീപ് ടെക്, സെമികണ്ടക്‌ടര്‍ നിര്‍മ്മാണം എന്നിവയുടെ ആഗോള കേന്ദ്രമായി കര്‍ണാടക മാറും’; ഡികെ ശിവകുമാര്‍

2,000 സര്‍ക്കാര്‍ സ്കൂളുകളെ സ്വകാര്യ സ്കൂളുകളുമായി ബന്ധിപ്പിക്കാൻ ശ്രമം; കര്‍ണാടക സര്‍ക്കാരിനെതിരെ ‌പ്രക്ഷോഭവുമായി എസ്‌എഫ്‌ഐ