കർണാടകയിലെ സർക്കാർ റസിഡൻഷ്യൽ സ്‌കൂളുകളെ മഹർഷി വാൽമീകി റസിഡൻഷ്യൽ സ്‌കൂളുകൾ എന്ന് പുനർനാമകരണം ചെയ്യുമെന്ന് കർണാടക മുഖ്യമന്ത്രി സിദ്ധരാമയ്യ വ്യാഴാഴ്ച പ്രഖ്യാപിച്ചു.
കർണാടകയിലെ എല്ലാ സർക്കാർ റസിഡൻഷ്യൽ സ്‌കൂളുകളുടെയും പേര് മഹർഷി വാൽമീകി റസിഡൻഷ്യൽ സ്‌കൂളുകൾ എന്നാക്കി മാറ്റും. റായ്ച്ചൂർ സർവ്വകലാശാലയെ മഹർഷി വാൽമീകി സർവ്വകലാശാല എന്ന് പുനർനാമകരണം ചെയ്യുമെന്ന് സിദ്ധരാമയ്യയെ ഉദ്ധരിച്ച് വാർത്താ ഏജൻസിയായ എഎൻഐ റിപ്പോർട്ട് ചെയ്തു. രാമായണ രചയിതാവ് മഹർഷി വാൽമീകിയെ ആദരിക്കുന്നതിനായി ആഘോഷിക്കുന്ന വാൽമീകി ജയന്തി ദിനത്തിലായിരുന്നു പ്രഖ്യാപനം.
കഴിഞ്ഞ ദിവസം, കർണാടക മുഖ്യമന്ത്രി എക്‌സിൻ്റെ തുടർച്ചയായ പോസ്റ്റുകളിൽ വാൽമീകിക്ക് ആദരാഞ്ജലികൾ അർപ്പിച്ചു.