ബംഗളൂരുവിലാണ് സംഭവം. ആത്മഹത്യ ചെയ്ത കുടുംബാംഗങ്ങളുടെ മൃതദേഹങ്ങള്‍ക്കൊപ്പം മൂന്നു ദിവസം ജീവിച്ച രണ്ട് വയസ്സുകാരിയെ രക്ഷപ്പെടുത്തി. ഒന്‍പത് മാസം പ്രായമുള്ള മറ്റൊരു കുഞ്ഞ് പട്ടിണി കിടന്ന് മരിച്ചു.
എച്ച്‌ ശങ്കര്‍ എന്നയാള്‍ തന്റെ വീട്ടില്‍ എത്തിയപ്പോഴാണ് കുടുംബത്തിന്റെ അവസ്ഥ മനസ്സിലാക്കിയത്. അദ്ദേഹത്തിന്റെ ചെറുമകള്‍ മാത്രമാണ് ജീവിച്ചിരുന്നത്. പോലീസ് പറഞ്ഞു.’വീടിനുള്ളില്‍ അഞ്ച് മൃതദേഹങ്ങള്‍ ഞങ്ങള്‍ കണ്ടെത്തി.
ഒരു കുഞ്ഞിനെ ജീവനോടെ കണ്ടെത്തി .മരണത്തിന് പിന്നിലെ കാരണം ഞങ്ങള്‍ക്ക് അറിയില്ല. ഞങ്ങള്‍ കുട്ടിയെ രക്ഷിച്ചു,’ ‘കണ്ടെത്തിയപ്പോഴേക്കും മൃതദേഹങ്ങള്‍ അഴുകാന്‍ തുടങ്ങിയിരുന്നു.’ പോലീസ് ഉദ്യോഗസ്ഥന്‍ സഞ്ജീവ് എം പാട്ടീല്‍ കൂട്ടിച്ചേര്‍ത്തു.
ഗാര്‍ഹിക കലഹത്തെത്തുടര്‍ന്ന് അഞ്ച് ദിവസം മുമ്ബ് ദേഷ്യത്തില്‍ വീട്ടില്‍ നിന്ന് ഇറങ്ങിപ്പോയെന്ന് എച്ച്‌ ശങ്കര്‍ പോലീസിനോട് പറഞ്ഞു. തന്റെ മകളുമായി അയാള്‍ വഴക്കുണ്ടാക്കിയതായി പോലീസ് പറഞ്ഞു.കുടുംബത്തിലേക്ക് നിരവധി ഫോണ്‍ കോളുകള്‍ ചെയ്‌തെങ്കിലും മറുപടി ലഭിക്കാത്തതിനെ തുടര്‍ന്ന്‌, ശങ്കര്‍ വീട്ടിലേക്ക് മടങ്ങി.
ഭാര്യ, 27 വയസ്സുള്ള മകന്‍, മുപ്പത് വയസ്സിനു മുകളില്‍ പ്രായമുള്ള രണ്ട് പെണ്‍മക്കള്‍ എന്നിവരെ തൂങ്ങിമരിച്ച നിലയില്‍ കണ്ടെത്തി.ഒന്‍പത് മാസം പ്രായമുള്ള ചെറുമകനും പട്ടിണി മൂലം മരിച്ചുവെന്ന് പ്രാഥമിക അന്വേഷണം ഉദ്ധരിച്ച്‌ പോലീസ് പറഞ്ഞു. രണ്ട് വയസ്സുള്ള പെണ്‍കുട്ടി അത്ഭുതകരമായി രക്ഷപ്പെട്ടു, വൈദ്യപരിശോധനയ്ക്കായി ആശുപത്രിയിലേക്ക് അയച്ചതായി അവര്‍ പറഞ്ഞു.