കാരുണ്യവും കൂട്ടായ്മയും കാഴ്ചവച്ച് ക്രിസ്മസ്!ആഘോഷങ്ങളിൽ മുഴുകി ബംഗളുരു നഗരം

ബെംഗളൂരു: സ്നേഹത്തിന്റെയും സമാധാനത്തിന്റെയും സന്ദേശം നൽകുന്ന തിരുപ്പിറവിയെ അനുസ്മരിച്ച് നഗരം ക്രിസ്മസ് ആഘോഷത്തിലും പ്രാർഥനകളിലും മുഴുകി. പള്ളികളിൽ കോവിഡ് നിയന്ത്രണങ്ങളോടെയാണ് പിറവി തിരുക്കർമ്മങ്ങൾ നടത്തിയത്. ശിവാജിനഗർ സെന്റ് മേരീസ് ബസിലിക്കയിൽ ഇന്നലെ വൈകിട്ട് നടന്ന പിറവി ശുശ്രൂഷകൾക്ക് ആർച്ച് ബിഷപ് ഡോ.പീറ്റർ മച്ചാഡോ മുഖ്യകാർമികത്വം വഹിച്ചു. ക്രിസ്മസ് കാരൾ മത്സരങ്ങളും മറ്റും ഓൺലൈനായാണ് സംഘടിപ്പിച്ചത്.

പള്ളികളുടെയും സംഘടനകളുടെയും ആഭിമുഖ്യത്തിൽ സ്നേഹത്തിന്റെയും കാരുണ്യത്തിന്റെയും കൂട്ടായ്മ തെളിയിക്കുന്നതായിരുന്നു ക്രിസ്മസ് ആഘോഷങ്ങൾ. അനാഥാലയങ്ങളിലും, വയോജന മന്ദിരങ്ങളിലും, വീടുകളിൽ കിടപ്പിലായ രോഗികൾക്കൊപ്പവും കാരൾ പാടിയും കൈനിറയെ സമ്മാനം കൈമാറിയുമായിരുന്നു പല ആഘോഷങ്ങളും. മാളുകളിലും വ്യാപാര കേന്ദ്രങ്ങളിലും പുതുവർഷം വരെ തുടരുന്ന ആഘോഷ ചടങ്ങുകളാണ് സംഘടിപ്പിച്ചിട്ടുള്ളത്. ഷോപ്പിങ് ഇളവുകൾക്ക് പുറമെ സമ്മാനപദ്ധതികളും ധാരാളമുണ്ട്.

Related posts

ബൈജു രവീന്ദ്രന്റെ കുടുംബത്തില്‍നിന്ന് 83.81 കോടി രൂപയുടെ ഭൂമി വാങ്ങി മീശോ സിഇഒ വിദിത് ആത്രേ

ബെംഗളൂരുവിലെ സ്‌കൈഡെക്കിന്റെ ചിലവ് 800 കോടിയായി ഉയര്‍ത്തി; 250 മീറ്റര്‍ ഉയരം, നടപടികള്‍ പുരോഗമിക്കുന്നു

‘ജേണലിസ്റ്റ് ട്രിപ്പ്’ ബാനറും പ്രസ് സ്റ്റിക്കറും; മൃതദേഹങ്ങള്‍ കടത്താൻ വ്യാജ മാധ്യമപ്രവര്‍ത്തക വേഷവുമായി ബെംഗളൂരു കൊലക്കേസ് പ്രതി