ടിവി, മൈക്രോവേവ്, ഫ്രിഡ്ജ്, ടോയ്ലറ്റ്…സൂപ്പര്‍ സൗകര്യങ്ങള്‍,ഒക്ടോബര്‍ 15 മുതല്‍ ബെംഗളൂരുവില്‍ ഇന്റര്‍സിറ്റി മോട്ടോര്‍ഹോം സേവനം ലഭ്യമാക്കാന്‍ ഊബര്‍

ഒക്ടോബര്‍ 15 മുതല്‍ ബെംഗളൂരുവില്‍ ഇന്റര്‍സിറ്റി മോട്ടോര്‍ഹോം സേവനം ലഭ്യമാക്കാന്‍ ഊബര്‍. ഡിസംബര്‍ 31വരെ പരീക്ഷണാടിസ്ഥാനത്തിലാണ് മോട്ടോര്‍ഹോം അവതരിപ്പിക്കുന്നത്.ഡല്‍ഹി എന്‍സിആറില്‍ നടത്തിയ പൈലറ്റ് പ്രോജക്റ്റ് വിജയമായതോടെയാണ് ബെംഗളൂരു, മുംബൈ, പൂനെ എന്നിവിടങ്ങളിലേക്ക് ഇത് വ്യാപിപ്പിക്കുന്നത്. മോട്ടോര്‍ഹോമിനായുള്ള ബുക്കിങ് ഒക്ടോബര്‍ 13ന് ആരംഭിക്കും.

ഔട്ട്‌ഡോര്‍ യാത്രകള്‍ക്കായി പ്രത്യേകം രൂപകല്‍പ്പന ചെയ്ത് കാരവന്‍ ശൈലിയിലാണ് മോട്ടോര്‍ഹോമുകള്‍. ഓരോ വാഹനത്തിലും നാലോ അഞ്ചോ യാത്രക്കാര്‍ക്ക് ഇരിക്കാം. വിവിധ നഗരങ്ങളെ ബന്ധിപ്പിച്ചുകൊണ്ടാണ് സേവനം ലഭ്യമാക്കുന്നത്.ഈ വാഹനത്തില്‍ ടെലിവിഷന്‍, മൈക്രോവേവ്, മിനി-ഫ്രിഡ്ജ്, ടോയ്ലറ്റ് തുടങ്ങിയ സൗകര്യങ്ങള്‍ ഒരുക്കിയിട്ടുണ്ട്. യാത്രയില്‍ സഹായിക്കുന്നതിന് ഒരു ഡ്രൈവറും സഹായിയും ഉണ്ടാകും. ബുക്കിങ് കുറഞ്ഞത് 48 മണിക്കൂര്‍ മുന്‍പെങ്കിലും നടത്തണം.

ദീര്‍ഘദൂര റോഡ് യാത്രയില്‍ ആഡംബരവും അല്ലാതെയുമായ സൗകര്യങ്ങള്‍ ആഗ്രഹിക്കുന്ന യാത്രക്കാര്‍ക്കായി പ്രത്യേകം രൂപകല്‍പ്പന ചെയ്തവയാണ് മോട്ടോര്‍ ഹോമുകള്‍. മണ്‍സൂണ്‍ സീസണില്‍ ഡല്‍ഹിയിലെ ക്യാംപയിന്‍ സേവനത്തിന് മികച്ച പ്രതികരണം ലഭിച്ചതിനെ തുടര്‍ന്നാണ് ഈ സേവനം കൂടുതല്‍ നഗരങ്ങളിലേക്ക് വ്യാപിപ്പിക്കുന്നത്.പ്രീമിയം, സ്വകാര്യ യാത്രാ ഒപ്ഷനുകള്‍ തേടുന്ന യാത്രക്കാരില്‍ നിന്ന് മോട്ടോര്‍ ഹോമിന് മികച്ച പ്രതികരണമാണ് ലഭിച്ചതെന്ന് ഊബര്‍ പ്രസ്താവനയില്‍ വ്യക്തമാക്കി. ഈ സേവനം ഡല്‍ഹി എന്‍സിആറില്‍ 2025 ഡിസംബര്‍ 31 വരെ തുടരും.

നഗരങ്ങള്‍ക്കിടയില്‍ സുരക്ഷിതവും സൗകര്യപ്രദവുമായ യാത്രകള്‍ക്ക് വലിയ ഡിമാന്‍ഡുണ്ട്. ഇന്റര്‍സിറ്റി മോട്ടോര്‍ഹോമുകള്‍ക്ക് ലഭിക്കുന്ന പ്രതികരണം അത് വ്യക്തമാക്കുന്നു. ഇന്ത്യയിലുടനീളമുള്ള ദീര്‍ഘദൂര യാത്രകള്‍ക്ക് ഇന്റര്‍സിറ്റി മോട്ടോര്‍ഹോമുകള്‍ മികച്ച ഒപ്ഷനായി മാറുമെന്നുറപ്പാണ്’- ഊബര്‍ ഇന്ത്യ കണ്‍സ്യൂമര്‍ ഡെവലപ്മെന്റ് ഡയറക്ടര്‍ ശിവ ശൈലേന്ദ്രന്‍ വ്യക്തമാക്കി.

Related posts

ബൈജു രവീന്ദ്രന്റെ കുടുംബത്തില്‍നിന്ന് 83.81 കോടി രൂപയുടെ ഭൂമി വാങ്ങി മീശോ സിഇഒ വിദിത് ആത്രേ

ബെംഗളൂരുവിലെ സ്‌കൈഡെക്കിന്റെ ചിലവ് 800 കോടിയായി ഉയര്‍ത്തി; 250 മീറ്റര്‍ ഉയരം, നടപടികള്‍ പുരോഗമിക്കുന്നു

‘ജേണലിസ്റ്റ് ട്രിപ്പ്’ ബാനറും പ്രസ് സ്റ്റിക്കറും; മൃതദേഹങ്ങള്‍ കടത്താൻ വ്യാജ മാധ്യമപ്രവര്‍ത്തക വേഷവുമായി ബെംഗളൂരു കൊലക്കേസ് പ്രതി