ക്യു.ആര്‍. കോഡ് സ്‌കാന്‍ ചെയ്താല്‍ പിഴയടയ്ക്കാനുള്ള ലിങ്കും നിയമലംഘനത്തിൻ്റെ ഫോട്ടോയും മൊബൈലില്‍ കാണാം. ക്യു.ആര്‍. കോഡുകൂടി ഗതാഗതനിയമലംഘനത്തിന് വീട്ടിലെത്തുന്ന നോട്ടീസില്‍ ഉള്‍പ്പെടുത്തി ‘ഹൈടെക്’ ആയി മാറിയിരിക്കുകയാണ് ബെംഗളൂരു ട്രാഫിക് പോലീസ്.
നിയമലംഘകര്‍ക്ക് ഇത്തരം നോട്ടീസുകള്‍ അയച്ചുതുടങ്ങിയതായാണ് വിവരം.
പിഴയടയ്ക്കുന്നത് ലളിതമാക്കുന്നതിന് വേണ്ടിയാണ് ഈ നീക്കം. ക്യു.ആര്‍. കോഡുള്ള നോട്ടീസുകള്‍ തയ്യാറാക്കുന്നത് ബെംഗളൂരു ട്രാഫിക് പോലീസ് എന്‍ഫോഴ്സ്മെൻറ് ഓട്ടോമേഷന്‍ സെൻററാണ്.