മലയാള സിനിമാ മേഖലയില്‍ നിന്നും ഒരാള്‍ കൂടി യുഎഇ ഗോള്‍ഡന്‍ വിസ സ്വീകരിച്ചു. നടന്‍ ആസിഫ് അലി ആണ് ഇപ്പോള്‍ വിസ സ്വീകരിച്ചത്. യുഎഇ ഗോള്‍ഡന്‍ വീസ നല്‍കുന്നത് വിവിധ മേഖലകളില്‍ മികച്ച സംഭാവന നല്‍കിയ വ്യക്തികള്‍ക്കാണ് . ഗോള്‍ഡന്‍ വിസ ഏറ്റുവാങ്ങുന്ന തന്‍റെ ചിത്രം ആസിഫ് അലി സോഷ്യല്‍മീഡിയയില്‍ പങ്കുവയ്ക്കുകയും ചെയ്തു. ഈ അംഗീകാരത്തിന് ഏറെ നന്ദിയുണ്ടെന്നും മലയാളികളെ സംബന്ധിച്ച്‌ ഒരു രണ്ടാം വീടാണ് ദുബൈ എന്നും അദ്ദേഹം പറഞ്ഞു.
കലാകാരന്മാരുടെ കഴിവിനെ എക്കാലത്തും അംഗീകരിക്കുന്ന ഹിസ് ഹൈനസ് ഷെയ്‍ഖ് മുഹമ്മദ് ബിന്‍ റാഷിദ് അല്‍ മഖ്‍തൂമിനും ഈ രാജ്യത്തിന്‍റെ മറ്റു നേതാക്കള്‍ക്കും നന്ദി അറിയിക്കുന്നതായും ആസിഫ് ഫേസ്ബുക്കില്‍ കുറിച്ചു. മലയാള സിനിമാ മേഖലയില്‍ നിന്നും നേരത്തെ ഈ നേട്ടത്തിന് അര്‍ഹരായവര്‍ മോഹന്‍ലാല്‍, മമ്മൂട്ടി, ടൊവീനോ തോമസ്, നൈല ഉഷ, പൃഥ്വിരാജ്, ദുല്‍ഖര്‍ സല്‍മാന്‍, ആശ ശരത്ത്, ലാല്‍ജോസ് എന്നിവരാണ്.