ബംഗളൂരു: ഭൂമി വിൽപന തട്ടിപ്പിൽ പോലീസിന് പങ്കുണ്ടെന്ന് ആരോപിച്ച് വയോധികൻ മുഖ്യമന്ത്രി ബസവരാജ് ബൊമ്മായിക്ക് മുന്നിൽ ആത്മഹത്യക്ക് ശ്രമിച്ചു.വെള്ളിയാഴ്ച രാവിലെ ആർടി നഗറിലെ വസതിയിൽ മുഖ്യമന്ത്രി പൊതുജനങ്ങളിൽ നിന്ന് പരാതികൾ സ്വീകരിക്കുമ്പോഴായിരുന്നു സംഭവം.സുങ്കടക്കാട്ടെ ചന്ദ്രശേഖർ എന്ന വയോധികനാണ് മുഖ്യമന്ത്രിക്ക് മുന്നിൽ സംശയാസ്പദമായ രൂപത്തിലുള്ള കുപ്പിയിൽ നിന്ന് ദ്രാവകം കഴിച്ചത്. സുരക്ഷാ ഉദ്യോഗസ്ഥർ ഉടൻ തന്നെ ഇയാളെ മാറ്റി നിർത്തി ചോദ്യം ചെയ്തു.അഴിമതിയിൽ പോലീസിന് പങ്കുണ്ടെന്ന് ആരോപിച്ച് ചന്ദ്രശേഖർ മുഖ്യമന്ത്രിക്ക് പരാതി നൽകിയിരുന്നു.