കുടക് ജില്ല: ഉത്തർപ്രദേശിൽ നിന്നുള്ള 29 കുടിയേറ്റ തൊഴിലാളികൾക്ക് കോവിഡ് പോസിറ്റീവ്

ബെംഗളൂരു:ജനുവരി 18, കേരള അതിർത്തിയായ കുടക് ജില്ലയിലെ മടിക്കേരി നഗരത്തിൽ ഉത്തർപ്രദേശിൽ നിന്നുള്ള 29 കുടിയേറ്റ തൊഴിലാളികൾക്ക് പോസിറ്റീവ് സ്ഥിരീകരിച്ചതായി അധികൃതർ അറിയിച്ചു.

പോസിറ്റീവായ തൊഴിലാളികളെ അധികൃതർ ഐസൊലേഷനിൽ പാർപ്പിച്ചു.

ഇവർ ജോലി ചെയ്തിരുന്ന നിർമാണ സ്ഥലം സീൽ ചെയ്തതായി അധികൃതർ അറിയിച്ചു. അടുത്തിടെ ജില്ലയിലെത്തിയ തൊഴിലാളികൾ സെന്റ് മൈക്കിൾ സ്‌കൂളിന് സമീപത്തെ നിർമാണ സ്ഥലത്ത് ജോലി ചെയ്യുകയായിരുന്നു. കുറച്ച് തൊഴിലാളികൾക്ക് പനിയുടെ ലക്ഷണങ്ങൾ കാണുകയും ജില്ലാ സർക്കാർ ആശുപത്രിയിൽ കോവിഡ് -19 പരിശോധന നടത്തുകയും ചെയ്തു. പോസിറ്റീവ് ആയതിനെ തുടർന്ന്, സൈറ്റിൽ ജോലി ചെയ്തിരുന്ന 150 തൊഴിലാളികളെയും പരിശോധിച്ചു. നിലവിൽ, 29 പേർ പോസിറ്റീവ് റിപ്പോർട്ട്‌ ചെയ്തു, പല തൊഴിലാളികളുടെയും ഫലങ്ങൾ ഇനിയും വരാനുണ്ട്.

ആരോഗ്യവകുപ്പിന്റെ ഒരു സംഘം എല്ലാ തൊഴിലാളികളെയും പരിശോധിച്ചു. രണ്ട് തൊഴിലാളികൾക്ക് മാത്രമേ രോഗലക്ഷണങ്ങൾ പ്രകടിപ്പിച്ചിട്ടുള്ളു, മറ്റുള്ളവരെല്ലാം രോഗലക്ഷണങ്ങളില്ലാത്തവരാണ്. ആവശ്യമായ സൗകര്യങ്ങൾ ഒരുക്കാനും പ്രവൃത്തി ആരംഭിക്കുന്നതിന് മുമ്പ് എല്ലാവർക്കും നെഗറ്റീവ് റിപ്പോർട്ട് ലഭിക്കുമെന്ന് ഉറപ്പാക്കാനും കരാറുകാർക്കും കെട്ടിട ഉടമകൾക്കും നിർദ്ദേശം നൽകി. ജില്ലാ ഹെൽത്ത് ഓഫീസർ വെങ്കിടേഷ് സ്ഥലത്തെത്തി ക്രമീകരണങ്ങൾ പരിശോധിച്ചു.

Related posts

തിരുവനന്തപുരത്ത് കാര്‍ തടഞ്ഞ് ഡ്രൈവറെ മര്‍ദ്ദിച്ച ശേഷം വാഹനവുമായി കടന്ന നാലംഗ സംഘം പിടിയില്‍

ഇന്‍ഡിഗോ വിമാനത്തില്‍ തീപ്പൊരി; പൈലറ്റിന്റെ സമയോചിത ഇടപെടല്‍ വന്‍ ദുരന്തം ഒഴിവാക്കി

എയര്‍ ഇന്ത്യയുടെ മൂന്നാമത്തെ ആഗോള വ്യോമയാന ഹബ്ബായി ബെംഗളൂരു മാറുന്നു